Ulveset skule » Nyhende

Skulevurdering

terje — Wed, 15 Feb 2012 09:55:51 +0000

Med utgangspunkt i mellom anna opplæringslova §14-1 fjerde ledd skal Ulveset skule vurderast. Fjell kommune med i eit vurderingsnettverk som sikrar at skulane i Fjell jamleg blir vurdert av vurderarar frå andre kommunar.

Denne gongen er skulen sitt tema for vurdering Læringsmiljø.
Skulen satsar på tre område innafor temaet: TSK, Trivselsleiar-programmet og Zero.
I kva grad har skulen lukkast innafor satsingsområda med å nå ut til elevane, og fører dette arbeidet til endring i den pedagogiske verksemda.

Vurderinga er i gang, men først i veke 12 vil vurderarane komme til skulen for å innhente opplysningar frå ansatte, elevar og føresette.

Vurderingsrapporten vil bli ferdig og tilgjengeleg i veke 15

Opning av skulebygget om morgonen

terje — Wed, 15 Feb 2012 09:31:56 +0000

For dei som ikkje går i sfo opnar skulebygget samtidig som tilsynet startar kl. 08.20. Dei som kjem med skulebuss blir møtt av vakt på busstoppet når bussen kjem. Dei som går på sfo bruker inngongen frå skuleplassen som før.
Ikkje noko nytt i dette, men elevar vil kanskje merke ein skilnad fordi vi no fysisk låser av den delen av bygninga som ikkje er i bruk av sfo.

Symjing

terje — Thu, 15 Dec 2011 12:50:22 +0000

Etter jul vil bassenge opne att. Alle klassane vil få tilbod om symjeundervisning i løpet av vårhalvåret.

Dei utrulege åra

terje — Thu, 15 Dec 2011 12:15:00 +0000

Sjekk denne siden for gratis kurs for foreldre til born mellom 6 og 10 år.

Kyrkja

terje — Mon, 12 Dec 2011 08:01:21 +0000

Torsdag 15. desember er skulen invitert til julegudsteneste i kyrkja. Småskulen kl. 9 og mellomsteget kl. 11 Småskulen tek buss medan mellomsteget går. For dei som har gjeve melding om at ein ikkje skal til kyrkja, vert det alternativ undervisning … Les meir...

Gymsalen stengd

terje — Thu, 24 Nov 2011 12:04:51 +0000

Gym.salen ved Ulveset skule vert stengd for trening 29. november og veke 50 (12. – 16 . desember)

Juleavslutning

terje — Thu, 24 Nov 2011 12:00:13 +0000

Småskulen har juleavslutning onsdag 14. desember og mellomsteget har torsdag 15. desember.
På begge kveldane vil elevane underhalde litt frå scenen i gymsalen.

De får nærare informasjon om tid og opplegg i ranselposten.

Kompetansehevingskurset

terje — Wed, 16 Nov 2011 10:56:07 +0000

Skriv med svarslipp om kompetansehevingskurset er delt ut med ranselpost. Tilbakemeldingsfrist er fredag 18. november. Du finn og skrivet her

Zero – kompetansehevingskurs for foreldre

terje — Fri, 28 Oct 2011 06:01:00 +0000

29. november kl. 18.30 – 20.00 blir det kompetansehevingskurs for foreldre/føresette i temaet mobbing. Invitasjon og påmelding kjem i ranselposten seinare. Kurshaldar er Svein B Størksen frå Senter for atferdsforskning ved universitetet i Stavanger. Frå skulen stiller heile personalet. Vi gler … Les meir...

Ulveset skule – zeroskule

terje — Thu, 27 Oct 2011 07:53:51 +0000

Ulveset skule er inne i første året som Zero-skule. Ute i klassane jobbar elevane og lærarane med temaet gjennom ulike innfallsvinklar. Det er også eigne felles Zero-samlingar i småskulen og på mellomtrinnet.
Temaet var oppe på alle foreldremøta og vil vere eit naturleg tema i utviklingssamtalane denne hausten.
Alle tilsette ved skulen som jobbar med borna har fått kursing i Zero av vår kontaktperson i Zerogruppen. Lærarar og assistentar/barne og ungdomsarbeidarar jobbar jamnleg strukturert med Zero i kollegagrupper.
Det er oppretta ei ressursgruppe ved skulen som har hovudansvaret for framdrifta i utarbeidinga av Ulveset skule sin handlingsplan mot mobbing. I ressursgruppa er også foreldra representert og arbeidet der er i full gong.
1. konkrete resultat frå dette arbeidet er allereie sett ut i live. Frå og med 26.10 starta vi opp med ny inspeksjonsplan med nye vaktsonar og nye instruksar. Vi innførar dei ulike tiltaka i planen etterkvart som dei er omhandla. Til våren vil vi ha ein ny levande plan som skal ut på høyring mellom anna til Fau for så å bli vedteke i SU.